пред 3 години Новиот менаџер на Вест Бромвич Албион, Сем Алардајс го „боцна“ ривалот од Арсенал, Микел Артета велејќи дека „топчиите“ се негов ривал во борбата за опстанок.
„Топчиите“ се во катастрофална форма со последната победа во Премиер лигата на 1 ноември, кога ги совладаа Манчестер јунајтед на „Олд Трафорд“ и се наоѓаат на 15. место на табелата со четири поени над зоната за испаѓање. Алардајс, кој го смени Славен Билиќ на клупата на ВБА по лошиот старт на сезоната, вели дека тие се негови лути ривали.
„Секој тим меѓу последните осум е наш ривал во борбата за опстанок, што значи дека Арсенал се ривали за опстанок. Мислам дека сега по поразот од Манчестер сити во Карабао купот ја имаат и намалено самодовербата, бидејќи ќе си мислат што ги погоди и зошто се на таа позиција. Знам каква е таа ситуација и се надевам дека ќе ги кренам моите играчи“, вели Алардајс пред дуелот со Арсенал на 2 јануари.
