пред 4 години Роберт Левандовски му призна на Тјери Анри дека се чувствува „посебно“ што ја доби ФИФА Бест наградата за најдобар фудбалер во 2020 победувајќи ги Кристијано Роналдо и Лионел Меси, додека француската фудбалска легенда му честиташе на Полјакот дека успеал во тоа што тој бил неуспешен: „Ги сопре ѕверовите“.
Левандовски по историската тројна титула со Баерн Минхен, речиси едногласно ја доби наградата на ФИФА и Анри беше многу импресиониран.
„Прво и најважно, честитки, мислам дека целосно ја заслужи. Беше неверојатен, неверојатен си подолго време и успеа да завршиш пред двата ѕвера што е нешто посебно. Јас не успеав во тоа, така што имаш нешто што никогаш не сум го освоил. Тоа е за почит“, вели Анри.
Левандовски беше поскромен.
„Ова беше многу тешка сезона, многу тешка година за нас, со вирусот и случувањата, така што беше посебно да се освои Лигата на шампионите. Никој не можеше да се спореди со нас, бевме на ‘оган’. Бевме тим кој сакаше да е најдобар и да остане таму. Во ера на Кристијано Роналдо и Лионел Меси да се освои ваков трофеј е нешто посебно“, вели Левандовски.
Би можело да ве интересира
Богдановиќ ја продолжи својата историска серија
Словачко остана непоразен во Белград, Вест Хем со максимален ефект во Конференциската лига
„Макс не ме пушти да поминам, ја задржа агресивноста, поради тоа се удривме“
Го нема Ленард, тука е Џорџ – Брејк на Клиперси во Солт Лејк сити
Почина италијанската легенда Паоло Роси
ТОП ретро – највалканиот играч на светот – Херардо Бедоја заработи 46 црвени картони!
