пред 3 години Тренерот на Реал Мадрид, Карло Анчелоти даде оценка на првите 10 дена од подготовките на мадридскиот тим. Тој за клупската телевизија рече дека е посебно задоволен од залагањето на некои фудбалери.
„Многу сум задоволен од квалитетот што го покажаа младите фудбалери, но и од фудбалската глад што ја демонстрираат ветераните“ рече италијанскиот стратег.
Тој посебно ги истакна имињата на Марсело, Карвахал, Начо и Лукас.
„Тоа се играчи кои освоиле се, но и понатаму се гладни за успех и тоа е многу позитивна работа. Направивме доста на физички план, играчите добро одговорија и тоа е причината што сите сме среќни“ вели „Дон Карло“.
Во врска со засилувањето од Баерн Минхен – Австриецот Давид Алаба, Анчелоти кој работел со него во минхенскиот клуб, смета дека се работи за интелигентен играч кој многу ќе му значи на тимот.
„Сјаен играч, има многу квалитети и тактичко чувство. Кај мене во Баерн порано играше во централната фаза, но сите веќе видовме дека во австриската репрезентација игра лево, и тоа многу добро. Интелигентен играч е“ вели Италијанецот.
Анчелоти вели дека е свесен што се се очекува од него и од екипата.
„Мора да сме свесни за историјата на Реал Мадрид и стилот кој сакаме да го имплементираме. Мора да играме убав фудбал“ вели тренерот на Реал.
Би можело да ве интересира
Лазаров: му се восхитувам на Вардар за двете европски титули, но од тие успеси репрезентацијата немаше никаков бенефит
„Ѓаволите“ се уште ја бркаат титулата – Гринвуд ги доближи до Сити
Зидан: Внимателно со Азар, неме да ризикувам уште една повреда
Реал и Атлетико можат да бидат елиминирани од ЛШ
Луис Суарез нема да игра против Барса, позитивен е на КОВИД-19
Лампард открил кој му е прв голман
