„Биг Сем“ ќе ги спасува Вест Бром

Вест Бромвич Албион потврдија дека поранешниот контроверзен англиски селектор Сем Алардајс е нов менаџер на тимот по отказот кој го доби Славен Билиќ и покрај 1:1 ремито против Манчестер сити во вторникот.

За Алардајс ова е прва работа откако си замина од Евертон на крајот на сезоната 2017/18 и ВБА ќе се десеттиот клуб со кој работел 66-годишниот Англичанец, кој во 2016 накратко беше и англиски селектор пред да се повлече поради скандал со поткуп.

Билиќ ги врати ВБА во Премиер лигата оваа сезона, но по 13 меча имаа само една победа и се на претпоследното место на табелата со два поени од зоната за испаѓање. Првиот меч на Алардајс со клубот ќе биде дуелот со Астон вила во недела.

We are delighted to confirm the appointment of Sam Allardyce as our new Head Coach ✍️

— West Bromwich Albion (@WBA) December 16, 2020