пред 3 години Јувентус по дури шести пат во 12 меча во Серија А оваа сезона одигра нерешено, откако пеналот на Кристијано Роналдо беше одбранет од Пјерлуиџи Голини, а Јуве се задоволи со 1:1 реми со Аталанта.
Новата ѕвезда на „бјанконерите“, Федерико Киеза во 29. минута ги донесе домаќините во водство со еден прекрасен гол од далечина, откако претходно Алваро Мората се посрамоти со еден обид да постигне гол со петица.
Меѓутоа, во второто полувреме, Швајцарецот Ремо Фројлер во 57. минута постигна исто толку спектакуларен гол за израмнување за „Ла деа“. Само четири минути подоцна, Кристијано Роналдо доби шанса да го реши мечот, откако беше досуден пенал за „бјанконерите“, но неговиот удар заврши само во рацете на Голини.
Јувентус остануваат непоразени во Серија А на третото место со 24 поени, три помалку од лидерот Милан, но со дури 6 ремија во 12 меча. Аталанта се на осмото место со 18 поени.
Би можело да ве интересира
(Видео) Англија чекор поблиску до ЕП, Италија е пред елиминација
Супер-спусташки триумф на Гоџија, Килде за влакно пред Одермат
Пјаниќ: И на Меси не му беше јасно зошто не играм кај Куман
Карловиќ „гази“ кон главната фаза на САД опен!
Мендиета открива формула против „коцкастите“: Да ги натераме Хрватите да трчаат
Рубљев за Надал: Притисокот е врз него, јас нема што да загубам!
