пред 3 години Ракометната репрезентација на Франција избори пласман во финалето на олимпискиот турнир во Токио. Франција, во првото полу-финале, го победи Египет со 27:23 (13:13). Французите четврти пат по ред ќе играт олимписко финале, во Пекинг и Лондо го освоија златото, во Рио де Жанеиро пред пет години беа втори. Пласманот во полу-финалето за Египет е историски успех не само за оваа земја, туку и африканскиот ракомет. Никога досега репрезентација од Африка не стигнала толку далеку на еден олимписки турнир.
Француската одбрана, предводена од голманот Жерар, го оневозможи Египет да приреди сензација. Египќаните на стартот водеа со 5.1 и 7:4, меѓутоа Жерар со серија одбрани ги врати во натпреварот. Првото полувреме заврши 13:13.
Израмнето се играше и во првиот дел од второто полувреме. Во периодот од 43. до 47.минута, Франција ја направи клучната серија, се одлепи на 18:15.
До крајот на мечот, Жерар не им дозволи на египетските ракометари да се врата во мечот.
На крајот Жерар имаше 17 интервенции, односно одбрани 46 отсто од удари упатени кон неговиот гол. Стрелците кај Франција ги предводеа Ремили и Деска со по пет гола. Ист број на голови за Египет постигна играчот на Веспрем, Јахија Омар.
Франција во финалето ќе игра против победникот од натпреварот помеѓу Данска и Шпанија.
Би можело да ве интересира
Барселона делуваше разиграно против Осасуна
Австралија повторно му ја укина визата на Ѓоковиќ
Премиерлигашите ќе ја игнорираат ФИФА и ќе играат со „суспендираните“ играчи?
Еквадор извлече реми со Бразил за четврт-финале на Копа Америка
Нејмар: Ќе умрам на терен ако треба само да се пласираме во финале!
Дончиќ стигна до рекорд на кариерата – 46 поени!
