пред 3 години Најдобрите години на Нејмар се минато, смета Давид Жинола, кој додава дека Пари Сен-Жермен не завршиле никаква работа со продолжувањето на неговиот договор доколку не успеат да го убедат и Килијан Мбапе да потпише.
29-годишниот Нејмар минатата недела потпиша нов четиригодишен договор со ПСЖ, кој вклучува опција за уште една сезона, но Жинола, поранешниот француски фудбалер на ПСЖ и Тотенхем, смета дека Мбапе треба да е првата цел.
„За да се освојуваат трофеи потребно е да имате стабилна група на фудбалери. Добро е што ја добија лојалноста на Нејмар, но мислам дека се завршени деновите кога е освојуваа титули со еден фудбалер, како со Платини и Марадона. Без Килијан Мбапе не завршиле ништо. Нејмар има 29 години, најдобрите години се зад него. Мбапе е млад, талент, момче со огромен потенцијал, кој е на 60 отсто од своите способности“, вели Жинола.
Нејмар оваа сезона пропушти дури 19 натпревари поради повреди, и има 16 гола и 10 асистенции во 29 меча за ПСЖ, додека Мбапе ја има најдобрата сезона досега во ПСЖ со 37 гола во 43 меча.
Би можело да ве интересира
Лина Ѓорческа поразена во финалето на турнирот во Куршумлиска Бања
Реал го доби евролигашкото „Ел класико“ за финале на Евролигата!
Лејкерис го отпуштија Морис и му врачија отказ на Мекини
Пандев вечерва последен пат ќе игра за Македонија – Ристовски не може да ги задржи солзите
Фјури и Џошуа нема да се соочат оваа година?
Јуве ја помина Специја, Роналдо стигна до својот 20-ти гол оваа сезона!
