Зидан: Можеби Реал ќе биде подобар без мене

Зинедин Зидан повторно одби да зборува за тоа дали ќе остане на клупата на Реал Мадрид и следната сезона пред последното коло во Ла лига, но посочи дека е можно клубот да биде подобар и без него.

Реал игра со Вилјареал во последното коло, но за да стигне до титулата потребно е градските ривали Атлетико да не победат против Валјадолид, клуб кој се бори за опстанок.

„Ова беше тешка сезона, но последното коло го почнуваме подготвени да го дадеме максимумот. Знаеме колку опасен тим е Вилјареал и мораме да бидеме внимателни. Мојата иднина не е важна, мечот е најважен. Потоа ќе има време да зборуваме за тоа. По 37 меча, мислите дека сега ќе трошам време мислејќи за следната година? Јас или некој друг не е важен во моментов. Можеби Реал би бил подобар тим без мене“, вели Зидан.