пред 3 години Менаџерот на Ливерпул, Јирген Клоп рече дека „никогаш нема главоболки поради добрите игри на неговиот тим“ откако синоќа „црвените“ ја згазија Аталанта сред Италија со високи 5-0.
Стрелец на тој меч за Ливерпул беше Диого Жота кој се најде во составот на местото на Роберто Фирмињо. Португалецот на 10 меча сезонава постигна 7 гола и се наметнува за стандарден влез во првата постава.
„Важно е дека имаме можноста да одбираме повеќе од 11 играчи, а Диого имаше супер меч. Логично беше да ја искористиме неговата добра форма, а поради начинот на кој Аталанта се брани, знаевме дека неговата вештина ќе помогне“ изјави Клоп за „ББС“.
Само Мо Салах сезонава е поефикасен од Жота, тој има 9 погодоци. Фирмињо пак само еднаш се запиша во листата на стрелци на 10 меча.
„Никогаш нема, главоболки поради добрите игри на тимот, но светот понекогаш е лошо место. Да не беше Фирмињо со нас, немаше да сме во ЛШ, а сега морам да објаснувам зошто тој не е во тимот“ наведе Клоп.
Би можело да ве интересира
„Мајка ми не смее да гледа важни натпревари“
УЕФА планира фајнал фор завршница во Лигата на шампионите
Милвоки со 29 тројки го декласираа Мајами, нов трипл-дабл на Јокиќ и нов пораз на Денвер
Дел Потро сака кариерата да ја заврши во Токио
Наместо во Арсенал Ауар ќе заврши во Реал
Роналдо ќе мора на суд да се соочи со Кетрин Мајрога
