„Кралот“ Фелипе Рејес оди во пензија!

По 17 години поминати во Реал Мадрид, легендарниот шпански кошаркар Фелипе Рејес реши да ја заврши професионалната кариера.

Кариерата на Рејес започна во 1998 година во Естудијантес, а по 6 години се пресели во Реал Мадрид и оттогаш не заигра за ниту еден друг клуб.

Со „Кралевите“ освои две титули во Евролигата и една во Еврокупот, додека во седум наврати беше шампион на Шпанија.

За 23-годишната кариера собра токму 23 титули. Од индивудуалните одличја може да се пофали со две МВП награди во шпанското првенство, како и место во идеалната петорка на Евролигата, во 2015 година.

Рекордер е во шпанското првенство по бројот на одиграни натпревари (824), но и по бројот на скокови (4.725).

На 236 меча го носеше дресот на „Фуријата“, и притоа освои 10 медали.