пред 4 години Жоан Лапорта вечерва беше официјално прогласен за претседател на Барселона, и во воведниот говор за истакнување беше неговото извинување на капитенот на фудбалскиот клуб, Лионел Меси и пораката за иднината.
Самиот Меси, кој неодамна го искористи правото и гласаше на изборите во Барселона, беше присутен на церемонијата со други играчи од сите спортски клубови на Блауграна. Лапорта се сврте кон Меси и му прати јасна порака.
„На пример, ќе се обидеме да го убедиме Лео да остане во клубот. Извини Лео! Ќе го дадам мојот максимум и ти го знаеш тоа. Тој е најдобриот фудбалер во историјата. Те сакам тебе и Барселона те сака. Да беше полн стадионот немаше да сакаш да си одиш“, изјави Лапорта.
Лапорта призна дека финансиската ситуација е клуч за иднината на тимот, откако долгот на Барселона надмина сума од милијарда евра по губитокот на приходите од натпреварите.
„Економската ситуација е приоритет. Мораме да го направиме клубот со оддржлива стратегија. Имаме план и ќе ги носиме сите одлуки во интерес на Барселона. Со стабилност ќе можеме да ги направиме тимовите поконкурентни“, вели Лапорта.
Новиот претседател, спротивно на најавите, му даде поддршка на Роналд Куман како тренер на тимот.
„Роналд, ти ја имаш нашата доверба. Сакаме повторно да пишуваме историја во Лигата на шампионите, но оваа година мораме да излеземе и да ја освоиме Ла лига и Копа дел реј“, беше пораката до тренерот.
❝I love you, and Barça also loves you.❞
— Joan Laporta’s message to Leo #Messi pic.twitter.com/PZUOhgt5c9— FC Barcelona (@FCBarcelona) March 17, 2021
Би можело да ве интересира
Сити ја добива битката за Халанд, огромна плата за него, спектакуларна провизија за агентот
Хамилтон: Ботас е најдобриот колега кој сум го имал
Алегри: Ова треба да е лекција за Јувентус, но и за мене
Торино „ја згази волчицата“ со пресврт – злато вредни бодови за опстанок
Мареј размислува што по тенисот: Сакам да бидам фудбалски тренер!
Удинезе го освои Рим, „небесносините“ лоши во Серија А
