Македонија немала полош селектор од Седлоски

Македонија немала полош селектор од Седлоски

пред 8 часа

Фудбалската репрезентација на Македонија, со шест порази, само еден постигнат гол, го заврши натпреварувањето во Б-дивизијата во Лигата на нации. Македонија се наоѓа во „црна дупка“, нема победа на последните 14 натпревар, последен пат репрезентацијата победи на 7 март 2025 година, кога во Скопје со 5:0 беше совладан аутсајдерот Лихтенштајн.

Македонија, вчера, во Скопје, загуби од Словенија со 0:3. Повеќе од поразот, били односот кон играта, поточно она што репрезентативците не го покажаа на теренот. Јасно е дека кога ќе се загубат шест натпревари во низа, не е само до фудбалерите, мора нешто да има и кај оно што ги повикува во тимот, што ги води тренинзите, ја крои тактиката.

Селекторот Гоце Седлоски, само два пати одигра нерешено и загуби осум натпревари откако ја презеде Македонија. Во неговиот мандат националниот тим постигна само еден гол (Растодер во 57-та минута, пред пет дена против Шкотска).

Ова, но и сите останати бројки, го прават Седлоски најлош селектор во историјата на националниот тим.

Логично се поставува прашањето дали планира да поднесе оствака, а тој не нуди конкретен одговор и покрај тоа што е јасно дека нема капацитет да ја води Македонија.

„Морам да се извинам во мое и во името на играчите на македонската јавноста за сите овие порази. Не знам што се случува. Играме на свој стадион, без желба, без мотив. Нде знам дали е до мене или до фудбалерите. Се извинувам. Долго време немаме победа. Разговаравме во соблекувална. Мора да видиме. Ќе видиме. Да преспиеме“, рече меѓудругото Седлоски по натпреварот со Словенија.

Ако селекторот се упте не е сигурен дали треба да си поднесе оставка, тогаш веројатно они што го именуваа на функцијата, треба да му врачат отказ.

Инаку, доколку тоа е воопшто важно, кога репрезентацијата на теренот не личи на ништо, Македонија ќе се бори за опстанок во Б дивизијата, а противник ќе и биде Естонија, Молдавија, Фарските Острови и Белорусија.

Ждрепката за бараж-дуелите ќе се одржи на 20 ноември, додека натпреварите се предвидени за периодот од 25 до 30 март 2027 година.

Foto/ EPA/MICHAEL SCHMID

Share
Scroll to Top