Малдини: Играчите од цел свет сонуваат за Милан, ние сме во топ 3 клубови во свет

Техничкиот директор на калчолигашот Милан, легендата на италијанскиот фудбал Паоло Малдини во изјава за италијанските медиуми го кажа својот став за моментната состојба во редовите на „Росонерите“.

„Морам да кажам дека сега најдовме рамнотежа. Милан ја намали просечната возраст на своите играчи, тие се најмладиот тим во Италија, еден од најмладите во Европа. Патеката е поставена. Ова бараше да се биде внимателен и да не се купуваат играчи само затоа што тие се млади. Треба да имате и поискусни играчи кои ќе ги водат младите. Ова се основите. Милан не успева да влезе во Лигата на шампионите веќе 8 години, но кога Милан се јавува, играчите ширум светот почнуваат да сонуваат за тоа. Се разбира, гледаме кон иднината, но минатото мора да се почитува“ – рече Паоло Малдини.

Тој потенцира дека „Милан е еден од трите најуспешни клубови во светот и мора секогаш ова да се има ова предвид“.

Сезонава по 26 натпревари Серија А, Милан е втор на табелата со 56 бода, 6 помалку од лидерот, градскиот ривал Интер.