Морати: Штета ако Кинезите го продадат Интер, имаат семејни вредности

Поранешниот претседател на Интер, Масимо Морати вели дека ќе му биде жал ако кинеската „Сунинг групација“ го продаде мнозинството акции кај „нераѕурите“ по шпекулациите во италијанските медиуми дека имаат големи финансиски проблеми и бараат инвеститор.

Дел од италијанските медиуми тврдат дека британската компанија „БЦ партнерс“ почнала со процедурата за презмање на клубот.

„Би било штета ако семејството Жанг го продаде Интер. Тие не само што имаа пари за клубот, туку и воспитание, образование и семејна структура, и пред се, почит за вредностите на клубот“, вели Морати за „Ла република“.