пред 3 години Враќањето на славниот Чезаре Прандели на клупата на Фиорентина не помогна да се подобри лошата форма на клубот од Фиренца, откако дома на „Артемио Франки“ загубија со 0:1 од новиот прволигаш Беневенто.
Човек на одлука беше Рикардо Импрота, кој во 52. минута ја искористи лошата проценка на голманот Драговски и на одбраната на Виола, и постигна убав гол по асистенција на Роберто Инсиње.
Со трите поени, тимот на Пипо Инзаги ја помина Фиорентина на 13. место на табелата со 9 поени прва победа по четири порази, додека Виола е на 14. место со 8 поени. Фиорентина над 300 минути нема постигнато гол во Серија А.
