пред 3 години Чешката тенисерка Каролина Плишкова е втората финалистка на грен слем турнирот Вимблдон откако предмалку во полуфиналето ја совлада Белорусинката, Арина Сабаленка со 2-1 или по сетови 5:7, 6:4 и 6:4.
Плишкова е четвртата тенисерка од Чешка која ќе игра финале на неофицијалното светско првенство во тенис по Хана Мандликова, Јана Новотна и Петра Квитова.
Белорусинката која важеше за фаворит на дуелот го освои првиот сет со 7-5 одземајќи поен на сервис на противничката.
Иако изгледаше дека Сабаленка освен резултатската има и психолошка предност, сепак Плишкова во продолжение заигра многу подобро и благодарение на брејкот во петтиот гем во вториот сет стигна до израмнување 1:1.
Во третиот сет следуваше нова доминација на чешката тенисерка за победа по 2 часа игра и пласман во големото финале.
Таму ја чека првата тенисерка на ВТА листата, Ешли Барти од Австралија која денесска со 2-0 беше поуспешна од Анжелик Кербер.
Статистиката вели дека дуелот во Лондон в сабота е прво финале за Плишкова на овој турнир, а ќе биде осми во меѓусебните дуели со Барти. Австралијката има предност од 5:2.
Sweet Karolina.@KaPliskova comes from a set down to reach the #Wimbledon final for the first time after beating Aryna Sabalenka 5-7, 6-4, 6-4 pic.twitter.com/xCPFfAXL7V
— Wimbledon (@Wimbledon) July 8, 2021
Би можело да ве интересира
ВИДЕО: Македонија сребрена на Европскиот кошаркарски шампионат во Скопје
Хамилтон пред Ферстапен на Силверстон, ќе стартува прв во спринт трката
Барселона го потврди Куман, добива холандско засилување во Жорди Кројф
Луд пресврт – Лајпциг од 0:2 до 3:2
„Брадата“ ќе се прости од 13,6 милиони долари само да стигне до прстенот
Шефовски! Жоан Мир го имаше „најдоброто“ паѓање од мотор
