пред 3 години Британската тениска сензација, шампионката од САД опен, Ема Радукану му се заблагодари на седумкратниот светски шампион во Ф1, Луис Хамилтон за неговите совети и поддршка по нејзината прва гренд слем титула во септември, опишувајќи го сонародникот како нејзин идол.
По победата во егзибицискиот меч против Елена-Габриела Русе во Лондон, Радукану го оцени Хамилтон како „навистина кул човек“. Радукану се има натпреварувано во картинг трки како мало девојче и е огромен фан на Формула 1 шампионатот.
„Тој ми кажа да бидам трепелива и да одам со бранот, и дека работите ќе бидат добри. Тој е вистински идол за мене со тоа што ми помогна да се справам со притисокот“, вели 19-годишната Радукану.
Таа не верува дека има шанси да го победи Хамилтон во изборот за спортист на годината на „Би-би-си“.
„Не, дефинитивно не. Јас навивам за Луис во тој избор. Не размислувам воопшто за такво нешто. Сега целта е само да бидам подобра и да погледнам на оваа година како на пробив“, вели Радукану.
Би можело да ве интересира
Браќата Вилијамс го кренаа Билбао на третото место
Локатели од Јувентус го делат 10 милиони евра
Барселона го потврди Куман, добива холандско засилување во Жорди Кројф
Стеф Кари не запира – 49 поени против Филаделфија
Јуниор на Партизан со звукот на сирената погоди од кош на кош
Баерн „се лизна“ во Франкфурт, Мајнц изненади кај Борусија (М)
