Ракометна драма! Кил во продолженија преку Веспрем до големото финале
СПОРТ

Ракометна драма! Кил во продолженија преку Веспрем до големото финале

пред 3 години

Кил во еден неверојатен натпревар полн со пресврти и неизвесност, стигна до 36:35 победа над Веспрем по продолженијата и се пласираше во финалето на ЕХФ Лигата на шампиони, каде против моќната Барселона ќе се обидат да стигнат до својата четврта титула, прва од 2012 година.

Во првото полувреме, тимот на поранешниот тренер на Вардар, Давид Дејвис, играше катастрофално во одбраната и на полувремето губеше со дури пет гола разлика (18:13). Но, откако во 42. минута Домагој Дувњак постигна гол за 24:21 водство, Веспрем даде седум гола без одговор за неверојатно 28:24 водство на 10 минути пред крајот на мечот.

Тука не беше крај на пресвртите – сега беше време Кил да постигне пет гола без одговор и да поведе со 29:28, пред Фати Омар да израмни на 29:29, пред ударот на Сандер Сагосен да биде сопрен од голманот Родриго Кораес за продолженија.

Во дополнителното време, изгледаше дека Веспрем е на чекор до победа, откако имаа 34:32 водство, а Петер Винцек доби црвен картон. Меѓутоа, Кил повторно направи камбек и со двата гола на Никлас Екберг стигнаа до големото финале. Хендрик Пекелер заврши со осум гола, Екберг додаде 7 за победничкиот тим, додека за Веспрем најдобри стрелци со седум гола беа Гаспер Маргуч и Вуко Борозан.

ЕХФ ФАЈНАЛ ФОР, ПОЛУФИНАЛЕ

Барселона – Пари Сен-Жермен 37:32 (18:14)

Веспрем – Кил 35:36 (11:8, 11:6, 7:6)

Share

Би можело да ве интересира

Де Брујне подготвен за ДанскаДе Брујне подготвен за Данска Продолжува лудницата во Лига 1 – ПСЖ триумфираше со гол во 94. минутаПродолжува лудницата во Лига 1 – ПСЖ триумфираше со гол во 94. минута Санчо ги однесе Дортмунд во полуфиналето на ДФБ купотСанчо ги однесе Дортмунд во полуфиналето на ДФБ купот Алкантара е проблемот на ЛиверпулАлкантара е проблемот на Ливерпул Лејкерси без милост против Далас, Јокиќ недоволен за прв триумф на НагетсиЛејкерси без милост против Далас, Јокиќ недоволен за прв триумф на Нагетси Џоџо со најдобриот УФЦ нокаут – го тресна противникот од земја!Џоџо со најдобриот УФЦ нокаут – го тресна противникот од земја!

МКД

Свет

Бизнис

Tech

Забава

Спорт

Scroll to Top