пред 1 година Ракометниот првак Еурофарм Пелистер го официјализираше транферот на Урош Борзаш, српскиот репрезентативец кој доаѓа од норвешкиот клуб Елверум.
Презентацијата на новото засилување ќе се случи на почетокот на подготовките на Еурофарм Пелистер во Битола.
„Српскиот репрезентативец Урош Борзаш е нов член на Еурофарм Пелистер, откако стави потпис на двегодишен договор. 23-годишниот Борзаш е еден од најперспективните леви бекови на континентот, редовен учесник во европските клупски натпреварувања на ЕХФ и член на селекцијата на Србија која рапидно се качува кон европскиот врв. Урош доаѓа во Битола од Норвешка, каде во последните две сезони го носеше дресот на Елверум и редовно играше во Лигата на шампионите. Минатата сезона постигна 49 гола во четиринаесет натпревари во групниот сегмент на Лигата на шампионите за норвешкиот клуб. Борзаш е висок 198 сантиметри, а тежок 101 килограм. Новото засилување на Еурофарм Пелистер е роден во Сента, има српско и унгарско државјанство, а негов матичен клуб е големиот Веспрем. Борзаш го носеше дресот и на Татабања, Тулуз во Франција и норвешки Елверум“, објави Еурофарм Пелистер.
Би можело да ве интересира
Наполи покажаа заби за нов убедлив триумф, Бензема пак ги „реши“ Ливерпул
УЕФА со предупредување за отстранувањето шишиња, Черчесов покажа како се прави тоа
Грците ја исфрустрираа Белгија
Близнаците Њокас потпишаа за Металург
Од ПСЖ го избркаа поради неверство, сега ќе игра во Сегунда
Конечно, вистинското од Пол Погба за Манчестер јунајтед
