пред 3 години Извршниот директор на Баерн Минхен, Карл-Хајн Румениге порача дека нема вистина во тоа дека германскиот шампион е заинтересиран за услугите на Ерлинг Халанд кој е фудбалер на лутиот ривал – Борусија Дортмунд.
Со денови се споменуваат можните дестинации каде Норвежанецот би можел да замине, но Румениге смета дека Минхен не е една од опциите.
„Не знам од каде дојдоа тие гласини за Халанд и за нас. Можам да кажам само едно – ние го имаме најдобриот светски играч на оваа позиција. Роберт Левандовски под договор е до 2023 година“ изјави Румениге за „Спорт Билд“.
Иако Халанд е 12 години помлад од Полјакот, сепак Румениге вели дека Левандовски е во зенитот на кариерата.
„Левандовски е најдобар светски играч и е на добар пат да го сруши рекордот на Герд Милер од 40 сезонски гола во Бундеслигата“ рече тој.
За норвешкиот голгетер се интересираат пред се Манчестер Сити, Челси, Реал Мадрид, Барселона и Манчестер Јунајтед.
Би можело да ве интересира
Родик: Новак прво ви ги зема нозете, потоа во ја зема душата
Адријано за својот пад: За девет дена од Рајот заминав во Пеколот!
Расизмот го засени фудбалот на Кадиз-Валенсија
Луд пресврт – Лајпциг од 0:2 до 3:2
„Брадата“ ќе се прости од 13,6 милиони долари само да стигне до прстенот
Шефовски! Жоан Мир го имаше „најдоброто“ паѓање од мотор
