пред 3 години Менаџерот на Манчестер јунајтед, Оле Гунар Солскјер изјави дека немал намера да покаже непочитување кон Рома по изјавата дека „не го познава тимот“, и секако потсетувањето на славниот 7:1 триумф во 2006 година.
Јунајтед ја пречекува Рома на „Олд Трафорд“ утре во првиот меч од полуфиналето на Лигата на шампионите.
„Тоа го изјавив веднаш по натпреварот и само ми олесна дека влеговме во полуфинале. Сакав да кажам дека сум ги гледал, но дека не сум ги анализирал добро за да им дадам вистинска почит. Рома е фантастичен клуб. Уште ги имам дресовите на Франческо Тоти и Даниеле де Роси. Сега, направивме анализа и подготвени сме, и не сакав да покажам непочитување“, вели Солскјер.
Тој се потсети и на 7:1 победата.
„Се сеќавам добро на двата натпревари, бидејќи бев стартер во првиот. Прво загубивме со 2:1, а потоа беше таа магична ноќ. Алан Смит беше фантастичен и покажавме што може Јунајтед. Сакам таков меч повторно“, изјави тренерот.
Би можело да ве интересира
Дербито на Баскија за Реал Сосиедад
Жалгирис со нова голема победа над Фенер, ЦСКА изддржа против Басконија
Филаделфија и Јута водат 3:1 против Вашингтон и Мемфис
Специја во 90. и 92.минута од 1-2 до 3-2
ТОП 100 неверојатни голови во 2020
„Нема зима“ за газдата на Ред бул – Матешиц доби дивиденда од 343 милиони евра!
