пред 5 часа Уругвајецот Луис Суарез е суспендиран шест натпревари поради грубо однесување на финалето на Лига купот против Сиетл Саундерс.
Суарез, да потсетиме, плукна во лицето на тренерот на противничкиот тим за време на вербалните навреди и клевети кон играчите на натпреварот. Камерите го снимија испадот на уругвајскиот фудбалер, па дисциплинската комисија на натпреварувањето имаше лесна работа да ги утврди фактите.
Напаѓачот на Интер на тој начин ќе го пропушти следното издание на Лига купот, можеби и следното, со оглед на нокаут форматот на натпреварувањето.
Добрата вест за Суарез и Мајами е дека суспензијата не важи за МЛС лигата, па Уругвајецот ќе му биде на располагање на Маскерано за натпреварите од најважното натпреварување за клубот.
Уште двајца играчи на Мајами – Серхио Бускетс и Томас Авилес – беа казнети за неспортско однесување на натпреварот против Сиетл.
Поранешниот играч на Барселона заработи суспензија од два натпревари поради насилно однесување, додека Аргентинецот доби суспензија од три натпревари, исто така поради учество во инцидентот.
Би можело да ве интересира
Барселона подготвува мега-трансфер, го продава Араухо за 100 милиони евра
Борусија Дортмунд заинтересирана за Мауро Икарди
Зверев: Новак е фаворит во Њујорк, најдобар е!
Фернандо Алонсо прогнозира: Шпанија – Хрватска 3:0
Како Мет Базби и Французите се виновни што Манчестер јунајтед се „црвени ѓаволи“
Црна Гора се посрамоти со Луксембург, Малта победи на гости по седум години
