Тудор чека на отказ за Пирло, ќе го замени ако Јуве загуби од Удинезе?

Италијанските медиуми тврдат дека хрватскиот помошник на Андреа Пирло, Игор Тудор ќе биде замената на тренерот на Јувентус доколку „бјанконерите“ загубат од Удинезе, а се додава дека нивните односи се „распаднале“.

Тудор, кој беше поранешен тренер на Удинезе и Хајдук Сплит, се приклучи на тимот на Пирло во текот на летото, најмногу бидејќи има доволно искуство да му помогне на Пирло и на неговиот помпшник Роберто Баронио, но работите оваа сезона не одат најдобро за Јувентус.

Уште во март, „Ла република“ тврдеше дека Тудор веќе не разговарал со Пирло и Баронио, и сега се гледа како на можна замена на Пирло доколку во недела загуби од Удинезе. Според „Ла газета дело спорт“, Тудор и Пирло не се согласуваат во својата идеја за фудбалот.

„Тој во моментов е оставен на страна поради различно мислење и не е интегриран во модерниот тим, како што го нарече на почетокот на сезоната претседателот Андреа Ањели“, тврди „Газета“.

Јувентус се само четврти во Серија А на пет кола до крајот, израмнети на поени со третопласираниот Наполи и петтопласираниот Милан, а имаат и убедливо најтежок распоред до крајот на сзоната со мечеви со Милан и со Интер.