пред 3 години Макс Ферстапен ќе стартува од пол-пизицијата на трката за Големата награда на Холандија. Возачот на Ред Бул ја освои 10.пол-позиција во кариерата. Во последниот круг тој го постави најбрзото време 1.08.885 минути.
Лидерот во генералниот пласман, седумкратниот светски првак, Луис Хамилтон, за влакно задоцни зад Ферстапен. Британецот имаше послаб резултат за 38 илјадити делови од секундата.
Колегата на Хамилтон, Валтери Ботас ќе стартува од третата позиција, а друштво во вториот ред ќе му прави Пјер Гасли од Алфа Таури.
Третиот ред го формираа возачите на Ферари, Шарл Леклер и Карлос Саинц.
Место меѓу првите десет на стартот изборија и Антонио Џовинаци (Алфа Ромео), возачите на Алпин Естебан Окон и Фернадо Алонсо, односно Даниел Рикардо од Мекларен.
Квалификациите ги обележа излетувањето на двата болиди на Вилијамс во финишот на втората квалификациска сесија.
Трката за Големата награда на Холандија, на патеката во Зандворт, ќе се вози утре со почеток во 15 часот.
Би можело да ве интересира
Не Мбапе-Нејмар-Меси, ѕвезда на полувреме е Ванакен, Милан со луд пресврт на „Енфилд“
Начевски и Николов ќе го судат финалето на ракометниот турнир
Зверев му даде вистинска тениска лекција на Давидович Фокина
Ангеловски до Барди: Без тебе не тргнуваме за Букурешт!
Словенците во последната секунда изборија реми со Шведска
Федерер најави враќање на Австралија опен
