пред 18 часа Ракометарките на Франција, во полуфиналето на Светското првенство, ја предадоа круната, но успеаја даго освојат бронзаниот медал.
Франција, во малото финале, по продолженијата ја победи Холандија, во Ротердам, со 33:31. Натпреварот во регуларните 60 минути заврши 26:26.
Французинките ја освоија својата прва бронза на светските првенства. Тие освоија злато во 2003, 2017 и 2023 година, а сребро во 1999, 2009, 2011 и 2021 година.
Најефикасни беа Сара Букти со девет гола, од 10 обиди и Луси Грание со четири гола, на голот блескаше Сако со 13 интервенции.
Натпреварот за третото место во Ротердам беше драматичен, особено финишот од регуларниот дел, кој заврши нерешено.
Холанѓанките имаа +3 во второто полувреме, но на крајот, на четири секунди до крајот, успеаја да изборат продолженија од 2×5 минути.
Во дополнителните 10 минут Франција беше подобра, во првото продолжение стекна два гола предност, а мечот го реши на половина од второто продолжение кога разликата беше три гола.
За златниот медал на Светското првенство ќе се борат Германија и Норвешка.
Foto/ EPA
