пред 3 години Поранешната тенисерка Даниела Хантучова на интересен начин гледа на претстојниот САД опен и ги анализира претходните случувања.
„Новак не е ниту Рафа ниту Роџер. Тоа само покажува колку тој е натпреварувачки настроен. Сите тројца се толку различни и тоа на многу начини ни овозможи да уживаме во сето тоа што го направија во прретходните 20 години за тенисот“ рече Хантучова за „tenis365″.
Некогаш петтата светска тенисерка има интересен став.
„Чувствувам дека поразите во Токио би биле добри за Новак. Сега следува пресијата во Њујорк, но ми делува дека тој е најдобар кога е под притисок. Би рекла дека нивото на Новак е над другите“ смета таа.
Ги коментираше и конкурентите кои можат да се замешаат во борбата за највисок пласман.
„Од играчите кои се близу, би ги издвоила Данил Медведев, Стефанос Циципас и Саша Зверев. Во 5 сета Данил има најголеми шанси против Новак“ рече Хантучова во анализата на претстојното Отворено тениско првенство на САД кое започнува на 30. август.
