пред 7 месеци Кошаркарот на Милвоки Бакс, Јанис Адетокумбо продолжи да ја испишува историјата на франшизата. Гркот стана најдобриот стрелец во историјата на Милвоки.
Во победата на тимот од Висконсин над Филаделфија (118:117), Гркот постигна 23 поени, забележа и 13 скока, три асистенции и по две украдени топки и блокади.
Адетокумбо стигна до 5.905 поени од поле, надминувајќи го легендарниот Карим Абдул-Џабар, кој го држеше рекордот на франшизата (5.902).
Џабар играше за Бакс од 1969 до 1975 година и за тоа време успеа да ја освои титулата во 1971 година, како и признанијата за МВП и МВП на финалето. Со оглед на тоа што најголемиот дел од кариерата го помина во Лос Анџелес Лејкерс, можеме да кажеме дека Јанис е најдобриот играч во исторјата на на Милвоки.
Да потсетиме, Адетокумбо (28) беше драфтуван во 2013 година како 15. пик на драфтот и кариерата ја минува во Милвоки.
Како што стојат работите, тој ќе остане така, бидејќи се согласи на нов договор до 2028 година.
