Јувентус сака да го купи Николо Заниоло

Италијанскиот калчолигаш Јувентус сака да ја купи ѕвездата на Рома, Николо Заниоло, пренесува „Газета дело Спорт“.

Тренерот Масимилијано Алегри сака да доведе ново засилување во офанзивниот дел од тимот, откако замина Пауло Дибала, а се искомпликува и трансферот на Ди Марија. Токму затоа „бјанконтерите“ сега ќе се насочат кон Заниоло.

Рома е подготвена да ја продаде својата ѕвезда, но само дколку заинтересираниот клуб плати сума од 50 милиони евра.

Јувентус за почеток ќе се обиде со понуда од 25 милиони евра во која ќе вметне и еден фудбалер кој би се преселил во Рим, Артур или Меккени.