пред 3 години Рафаел Надал, од понеделник, нема да биде на второто место на АТП листата. На листата, пред Надал, ќе биде рускиот тенисер, Данил Медведев.
Медведев, минатата недела, не ја искористи шансата да го престигне Надал. На турнирот од серијата 500, во Ротердам, Медведев беше елиминиран на стартот.
Медведев сега треба само да се појави на турнирот во Марсеј, каде во второто коло ќе игра против победникот од дуелот Ханфман-Герасимов.
Пласманот на Медведев на второто место ќе биде историски. Прв пат по 2005 година, на второто место нема да биде некој од „големата четворка“.
Последен кој бил втор, а да не се презивал Ѓоковиќ, Надал, Федерер или Мареј, бил Австралиецот Хјуит.
