Џенова и со Пандев немаше решение за Фиорентина

Горан Пандев не успеа да даде гол во својот 170. настап во дресот на Џенова, а домаќините загубија со 1:2 од Фиорентина за да останат на само една победа во првите четири кола во Серија А.

Поранешниот македонски капитен доби шанса во 53. минута од мечот на „Луиџи Ферарис“ при 0:0, за само седум минути подоцна, Виола да дојде во предност со голот на Рикардо Сапонара. Победата за Фиорентина ја обезбеди поранешниот фудбалер на Милан, Џакомо Бонавентура во 88. минута, пред Доменико Кришито во 98. минута од мечот од пенал да намали на 1:2.

Ова е одлична трета победа во четири меча на тимот на Винченцо Италијано, додека Џенова има само една победа и се наоѓа на 14. место на табелата.