Џерард размислува целосно да се откаже од фудбалот

Стивен Џерард признава дека еден не толку далечен ден ќе му рече целосно збогум на фудбалот за да може да се посвети на своето семејство и пријателите.

Џерард стана тренер на Глазгов Ренџерс во 2018 година, само две години откако ја заврши играчката кариера како легенда на Ливерпул, и се надева дека Ренџерс ќе ги донесе до првата шкотска титула од 2011 година.

Во интервју, Англичанецот признава дека неговата сопруга Алекс би сакала тој да има повеќе време за неа и за семејството.

„Кога ги претставуваш Ренџерс знаеш што им значи тоа на луѓето, но во моменти тоа доминира со твојот живот и тоа не можеш да го контролираш. Ќе дојде време во мојот живот кога ќе морам да се откажам од фудбалот за моето семејство и самиот себе, да добијам мир. Уште не сум подготвен за тоа, полн сум со енергија и мислам дека можам да помогнам, да остварам некои работи. Но, за Алекс и децата дома, јасно е дека еден ден ќе бидам 100 отсто нивни. Алекс би сакала тоа да се случи утре. Таа ме спушта долу кога ќе се вратам дома и мислам дека сум фантастичен бидејќи победив на еден меч. Исто така, таа ме крева кога ќе сум долу и го живее фудбалот заедно со мене“, вели Џерард.