пред 3 дена Пред почетокот на новата сезона од Лигата на шампионите во новиот формат, се случи несекојдневна ситуација во Минхен, пред дуелот помеѓу Баерн и Динамо Загреб.
Челниците на баварскиот гигант им забранија на играчите на Динамо да тренираат на теренот каде вечерва од 21 часот ќе го одиграат натпреварот од првото коло во елитното натпреварување.
Причината е многу лошата состојба на теренот на „Алијанц арената“, кој датира од Европското првенство кое заврши пред два месеци.
Хрватските медиуми пренесуваат дека теренот е полн со дупки и прилично нерамен и затоа Баерн не дозволи гостите да тренираат на овој терен.
Баерн двапати ја менуваше подлогата од полуфиналето на ЕП на 10 јули, но тоа не помогна, бидејќи високите температури ја уништија тревата.
Затоа Динамо не тренираше во Минхен, туку тоа го направи во текот на денот во Загреб, а во вечерните часови во понеделник играчите можеа само да се фотографираат на стадионот.
Би можело да ве интересира
Левендовски нема да игра против Холандија
Едерсон го продолжи договорот со Манчестер сити
Почина легендарниот рели возач Хану Микола
Лацио пак контроверзни – му дадоа договор на правнукот на Мусолини
Коларов е во врска со невенчаната сопруга на починатиот Давиде Астори
Рамос ќе биде подготвен за Ел Класико
