пред 9 месеци Фудбалскиот клуб Барселона покажува интерес за играчот на Џенова, романскиот репрезентативец Раду Драгушин, пренесуваат шпанските медиуми.
Драгушин (21) е роден во Букурешт, а во помладите категории настапуваше за Спортул и Регал спорт.
Во Јувентус се пресели во 2018 година, а за првиот тим на „старата дама“ одигра само четири натпревари.
Романскиот фудбалер беше на позајмица во Сампдорија, Салернитана и Џенова.
На крајот на јануари 2023 година, Драгушин потпиша повеќегодишен договор со Џенова, до 30 јуни 2027 година.
Шпанските медиуми пренесуваат дека Барселона сака да ангажира романски фудбалер во зимскиот преоден рок, а откупната клаузула наводно изнесува околу 30 милиони евра.
Исто така, се наведува дека скаути на бројни големи европски клубови ги следат игрите на фудбалерите на Џенова.
Драгушин оваа сезона одигра 16 натпревари за Џенова и постигна еден гол. За романската репрезентација настапи на 13 натпревари.
Би можело да ве интересира
Синер доби признание кое Федерер го добиваше 19 пати во кариерата, а Ѓоковиќ никогаш
Премиерлига – во првите две кола 16 позитивни на Ковид 19!
Фотка од 2,6 милиони лајкови
Тотална офанзива на Челси – Пулишиќ ги донесе „сините“ во водство во Мадрид!
Лев по ЕП ќе отстапи од селекторската функција
Клоп: Во нормален преоден рок сигурно немаше да купиме играч од Престон
