Биелса: Марадона беше уметник, го надминуваше фудбалскиот терен со потезите

Уште еден голем Аргентинец, Марсело Биелса го прокоментира животот на Диего Марадона кој вчера почина во својот дом. И популарниот „лудак“ кој е актуелен менаџер на Лидс Јунајтед верува дека Марадона е најголемиот во историјата на фудбалот.

„Се што правеше како фудбалер е убавина која е невозможно да се повтори. Марадона беше уметник затоа што воодушевувањето на неговите мајстории го надминува фудбалскиот терен. Постојат многу убави песни напишани во негова чест. Реакциите за неговата смрт се многу емотивни. На нас Аргентинците Диего многу ни значеше, кога го гледавме имавме чувство дека сме дел од фантазија“ рече Биелса.