пред 4 години ФК Вардар, убедливо најуспешниот македонски фудбалски клуб, 11-кратен освојувач на првенството и 5-кратен освојувач на Купот на Македонија, официјално испадна во втората лига, откако на гостувањето во Струга загубија со 1:0.
Со ова се става точка во најтешката сезона во историјата на „црвено-црните“, кои се во бездна по повлекувањето на спонзорот Сергеј Самсоненко, само една година откако ја освоија својата 11-та титула. На Вардар му беа потребни две победи во последните две кола од шампионатот, но и порази за Академија Пандев, Силекс и Ренова, и тоа не успеаја да го направат на гости кај Струга, која пак, со оваа победа се постави во позиција за Конференциската лига на УЕФА.
Ова е прво испаѓање на Вардар од Првата лига, ако не се смета сезоната 2010/11, кога официјално испаднаа од лигата, пред да се спојат со ФК Миравци, и да го преземат нивното новосвоено место во елитата.
Струга сега се трети, откако Македонија Ѓорче Петров во возбудлив натпревар загуби со 3:4 од новиот шампион Шкендија, иако двапати се враќаа во натпреварот.
Фото: ФК Вардар
ПРВА ЛИГА, 32.КОЛО
Беласица – Академија Пандев 0:2
Борец – Ренова 2:0
Македонија ЃП – Шкендија 3:4
Работнички – Силекс 3:1
Шкупи – Пелистер 0:0
Струга Трим Љум – Вардар 1:0
Табела: 1.Шкендија 74, 2.Шкупи 58, 3.Струга 54, 4.Македонија ЃП 52, 5.Работнички 47, 6.Пелистер 42, 7.Борец 40, 8.Академија Пандев 38, 9.Силекс 36, 10.Ренова 35, 11.Вардар 31, 12.Беласица 17.
Би можело да ве интересира
Кејн е „соло“ во Германија – сопругата реши да остане во Англија
Кој ќе освои најмногу медали во Токио?
Ек вели дека собрал пари, ќе даде сериозна понуда за Арсенал
Француската лига бара владина помош по колапсот на договорот за ТВ-правата
Артета за Пепе: На ова ниво тоа е неприфатливо
Ако Србија се пласира на ЕП секој играч ќе добие по 100.000 евра
