пред 1 ден Бостон Селтикс ги совладаа Мемфис Гризлис со 117:103 и за прв пат во историјата на франшизата комплетираа низата од шест натпревари на Западот без пораз.
Актуелните шампиони до победата ги предводеа Ал Хорфорд со 26 поени и осум скока и Џејсон Тејтум со 25 поени и 14 скока.
Кристапс Порзингис додаде 19 поени, пет скока и пет асистенции, Џру Холидеј имаше 18 поени и по седум скока и асистенции, а Дерик Вајт имаше 14 поени, 10 асистенции и осум скока.
Бостон го надмина претходниот рекорд на франшизата поставен во февруари 1973 година со победи против Јута, Портланд, Сакраменто, Феникс, Сан Антонио и Мемфис.
Таа серија, исто така, му помогна на Бостон да постави нов рекорд во франшизата од 32 гостински победи, претходно поставен во сезоните 1972/1973 и 1974/1975 година.
Пред Бостон на вената листа се само Голден Стејт со 34 победи во сезоната 2015/2016 и Чикаго со 33 победи од 1995/1996 година.
Во тимот на Мемфис, кој го доживеа шестиот пораз во последните седум натпревари, најефикасни беа Џа Морант со 26 поени, шест скока и пет асистенции, Санти Алдама со 21 поен со осум скока и Џерен Џексон со 20 поени со 15 скока.
Би можело да ве интересира
(Видео) Хорхе Марин спектакуларно ја прослави шампионската титула
Меси размислувал за трансфер во Саудиска Арабија
Пелегрини ја оправда довербата на навивачите за трета победа во низа
Сосиедад пропушти шанса да ги помине Реал по бледото реми со Валенсија
Масакр во САД – поранешен НФЛ играч убил петмина, па си пресудил!
„Десеткуваниот“ Реал за седум минути го „реши“ Хетафе
