(Видео) Мундијалската еуфорија заврши со трагедија – четири лица ги загубија животите во Мексико

Големата прослава поради пласманот на мексиканската репрезентација во осминафиналето на Светското првенство се претвори во трагедија.

Според официјалните информации, за време на масовните прослави низ Мексико Сити, четири лица го загубија животите, додека илјадници беа повредени, поради што реагираа челниците на ФИФА.

По објавувањето на трагичната вест, градоначалничката на Мексико Сити, Клара Бругада, итно се обрати до јавноста, апелирајќи до граѓаните прославите да минат без нови инциденти.

„Ги повикувам сите навивачи и граѓани да се радуваат одговорно, внимателно и со емпатија едни кон други. Не дозволувајте историските спортски успеси да се претворат во семејни трагедии“, рече Бругада.

Мексико претходно освои место меѓу првите 16 екипи во светот, што предизвика еуфорија низ целата земја, но прославите во главниот град се претворија во сериозни инциденти со трагични последици.

Во осминафиналето Мексико ќе се сретне со Англија.

BREAKING: MEXICO CITY GOES WILD as El Tri ends a 40-year knockout-stage drought at the FIFA World Cup.

Mexico defeats Ecuador to book its place in the Round of 16, sparking massive celebrations across the capital. pic.twitter.com/b1fSzhQ2Df

— Nova Intel (@intel_nova) July 1, 2026