пред 11 месеци Никола Јокиќ одигра совршен натпревар во убедливата победа на Денвер над Мемфис (142:105). Само Јокиќ и Вилт Чембрлен одиграле повеќе од еден совршен натпревар во историјата на НБА лигата.
Јокиќ шутираше 11/11 од поле, го погоди својот единствен обид за три поени, а од линијата за слободни фрлања имаше три од три. Најдобриот играч на Денвер не играше во последната четвртина.
Против Мемфис, Јокиќ го забележа 116-ти трипл-дабл во регуларниот дел од сезоната. Тој се наоѓа на четвртото место на вечната листа, Меџик Џонсон е пред него со 22 вакви натпревари повеќе.
Расел Вестбрук е на врвот на листата со 198, а Оскар Робертсон има 181.
Јокиќ го следеа Џамал Мареј со 23 поени и девет асистенции и Пејтон Вотсон со 20 поени и пет скока.
„Никогаш не сум видел трипл-дабл пред да почнам да играм со него, а сега тоа го гледам цело време“, изјави Вотсон, кој доби шанса во стартната петорка наместо повредениот Арон Гордон.
Кентавиус Калдвел-Поуп и Џулијан Стротер постигнаа по 12 поени, додека Кристијан Браун додаде 11.
Реџи Џексон имаше одлична епизода од клупата со девет поени и седум асистенции за 17 минути на паркетот.
Би можело да ве интересира
ВАР контра Тотенхем – Челси пак ги победи Спарс за финале во Карабао купот
Дрес на Зидан од финалето во 1998. продаден на аукција за над 100.000 долари
Гризман ќе ја напушти Барселона?
Пјонтек би сакал да се врати во Џенова
Милан се откажале од трансферот на Гомез
Сити без мака против Фулам – Гвардиола славеше јубилеј
