пред 2 дена Финалната серија од грчкото првенство помеѓу Олимпијакос и Панатинаикос се претвори во вистинска драма надвор од теренот, а контроверзниот сопственик на „зелените“ Димитрис Јанакопулос повторно беше во центарот на нов скандал.
Според бројни грчки медиуми, Јанакопулос предизвикал инцидент пред соблекувалната по натпреварот, каде што се случила жестока расправија со полицијата.
Ситуацијата ескалираше до тој степен што, како што објави Олимпијакос, обвинителот издал налог за апсење на сопственикот на Панатинаикос. Сепак, наместо да биде приведен, Јанакопулос, со помош на своето обезбедување, успеал да избега од салата.
Генералниот директор на КК Олимпијакос, Никос Лепениотис, упати шокантни обвинувања против Јанакопулос, тврдејќи дека по натпреварот изговорил монструозни навреди кон семејството на сопственикот на Олимпијакос, Јоргос Ангелопулос.
„Конкретната навредлива фраза беше нереална и одвратна. Тој дојде кај нас двапати и рече: Одете и кажете му на Ангелопулос дека пред него ќе му ја силувам ќерката. Ова го слушнаа бројни сведоци, луѓе од неговото обезбедување, како и членови на неговиот тим“, рече Лепениотис.
„После тоа, обвинителот нареди негово апсење. Јанакопулос почна да вика, се обиде да влезе на теренот, по што полицијата интервенираше и го приведе“, рече Лепениотис.
Сепак, поради хаосот што настанал, Јанакопулос наводно се повлекол во соблекувалната, каде што набрзо следела паника, неколку луѓе биле видени како трчаат од просторот под трибините. Недолго потоа, сопственикот на Панатинаикос бил снимен како брзо го напушта стадионот и трча кон својот автомобил.
Како да не било доволно сето тоа, според извештаите од местото на настанот, возилото во кое се наоѓал Јанакопулос речиси прегазило полицаец кој се обидел да го запре пред салата во Пиреја.
Инаку, Олимпијакос го победи Панатинаикос со 91:83. Резултатот во серијата по два натпревари е 1:1.
Panathinaikos – Olympiakos maçı sonrası
Dimitris Giannakopoulos
Hızlıca olay yerinden ayrıldı. Birilerinden mi kaçıyor https://t.co/xqqy1Ibwds pic.twitter.com/kwj336FzlE
— Sinan AKYÜZ (@SinanAkyuz73) June 1, 2025
