пред 4 години Селекторот на Велс нема да ја предводи репрезентацијата на трите натпревари во ноември, објави Фудбалскиот сојуз на Велс.
Легендата на Манчестер Јунајтед, во неделата бил уапсен, под сомнение дека физички ја злоставувал својата девојка. Гигс, бргу по апсењето, бил пуштен со кауција, тој негира дека ја тепал својата девојка Кети Гривил.
„Фудбалскиот сојуз на Велс и селекторот Рајан Гигс донесоа заедничка одлука тој да не го води тимот во претстојниот циклус на натпревари“, се наведува во соопштението.
Велс на 12.ноември ќе одигра пријателски натпревар со САД, а потоа на 15 и 18.ноември ќе игра во Лигата на нации против Република Ирска и Финска во Кардиф.
Велс, на овие три натпревари ќе го предводи помошникот на Гигс, Роберт Пејџ.
