пред 1 година Поранешниот тренер на Барселона, Роналд Куман, на голф турнир во Барселонана голф турнирот истакна дека не му се допаѓа стратегијата на клубот во претходниот и актуелниот преоден рок.
„Гледајќи од страна, поинаку и не можам да дадам мислење затоа што не сум во клубот и не знам точно што се случува, мислам дека финансиски и фудбалски не се прават работи за во иднина“, изјави Куман критикувајќи ја трансфер политиката на Барселона.
Потпишувањето на Илкај Гундоган и пред една година на Роберт Левандовски, сами по себе не се проблем за Холанѓанецот. Но, кога ќе ја земете предвид пошироката слика и градењето тим на долги патеки, тогаш нивните трансфер за Куман претставуваат проблем.
„Ми се допаѓа Гундоган, бидејќи тој е одличен играч. Но, тој е во години, а клубот треба да размислува за иднината, да има тим во следните неколку години. Левандовски и Гудноган најмногу можат да издржат уште две или три сезони“, изјави поранешниот стратег на Блауграна и продолжи:
„Нема потреба многу да се зборува за потписот на играч како Гундоган. Тој е одличен, тој е голем професионалец, како и Левандовски. Но, тие се на возраст, не можеш секоја година така да потпишуваш двајца-тројца играчи. Да потпишеш со 22. годишен играч е подобро од некој кој има 33 или 34 години“.
Куман доби отказ во октомври 2021 година по поразот од Рајо Ваљекано во Мадрид.
