пред 4 години Полскиот претседател Анджеј Дуда го одликуваше фудбалерот на Баерн Минхен, Роберт Левандовски, со орденот „Одроженија Полски“ (Полски препород), највисокото цивилно достигнување за исклучителни успеси и промоција на Полска во светот.
Со ова се комплетира фантастичната година за Левандовски, во која со Баерн Минхен ја освои тројната титула во Германија, Лигата на шампиони и Светското клупско првенство, а помогна Полска да се квалификува на Европското првенство ова лето. Тој исто така ја доби наградата за најдобар фудбалер од ФИФА, а „Златната топка“ му избега само бидејќи организаторите „Франс фудбал“ решија да не ја доделат поради пандемијата на КОВИД-19.
