пред 2 месеци Навивачите на клубот Реал Сосиедад му се заканија со смрт на играчот на Атлетико Мадрид, францускиот интернационалец Антоан Гирзман за време на натпреварот од шпанското првенство, објавија француските медиуми.
Фудбалерите на Реал Сосиедад, одиграа нерешено 1:1 против Атлетико Мадрид во неделата вечерта во деветтото коло од Примера.
Гризман, поранешен играч на Реал Сосиедад, беше пречекан во непријателска атмосфера, навивачите на Реал Сосиедад му скандираа „Умри“ и „Гризман е мртов“.
Францускиот напаѓач, кој неодамна се повлече од репрезентацијата, секогаш кога ја имаше топката беше исвиркуван.
Ваквото однесување го натера раководството на Реал Сосиедад на големите екрани на стадионот за време на натпреварот да ја емитува пораката „Не за расистичките песни, ксенофобијата и нетрпеливоста“. Охрабрете го и поддржете го тимот, но почитувајте го противникот“.
Навивачите ја исвиркаа и оваа порака, додаваат француските медиуми.
Гризман во сениорска конкуренција дебитираше за Реал Сосиедад во 2009 година, кога беше прекумандуван во првиот тим од клупската акедемија. До 2014 година одигра 180 натпревари и постигна 46 гола. Во летниот преоден рок во 2014 година тој за 30 милиони евра се пресели во Атлетико Мадрид.
Би можело да ве интересира
Тен Хаг е сигурен дека нема да добие отказ
(Видео) Џабе го скрши рекетот, Алкараз елиминиран во Синсинати
НБА ќе истражува зошто Далас ги „одмори“ ѕвездите
ТОП ретро – најлегендарните голови на Светските првенства
Мидлтон го реши победникот – Милвоки славеа против Далас
Е ова е најголемиот фраер меѓу голманите!
