пред 2 недели Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Би можело да ве интересира
Нешто досега невидено – и досудија пенал додека протестираше за игра со рака!
Ирвин го најде наследникот: Лук Шо е најдобриот лев бек во Премиер лигата
Одбојкарите обезбедија пласман на Европското првенство
Најмар: Наредната сезона јас и Меси треба да играме заедно
Клоп: Немам време сега да размислувам за Германија
Волф: Мерцедес ќе треба да продаде некоја фабрика за новиот договор на Хамилтон
