Од Челси со писмо: Згрешивме што прифативме да играме во Суперлигата

Не преставува потресот кој го направи идејата за формирање на фудбалска Суперлига.

Претседателот на Реал Мадрид, Флорентино Перез вели дека клубовите не можат така лесно да се откажат од ова натпреварување поради договорите. Но, се јави првиот човек на лондонски Челси, Роман Абрамович.

„Сините“ преку отворено писмо на навивачите им објаснуваат дека „длабоко жалат“ поради тоа што пристапиле кон Суперлигата.

„Нашата амбиција е да сме најдобриот клуб во светот, како на теренот, така и во заедницата. На тоа и ја базиравме одлуката за пристап во Суперлигата. Кога стана јасно дека новата лига ќе се оформи, не сакавме Челси да ја пропушти можноста да игра во таква истакната лига, ниту, пак, сакавме да ризикуваме нашиот клуб да заостанува во однос на англиските ривали. Откако се појави незадоволство кај навивачите, клубот `застана на топката` и го послуша гласот на фановите. Земајќи ги во предвид недоразбирањата и противењата, ја променивме првобитната одлука, па одлучивме дека нема да сме дел од таа лига. Сопственикот и Управата разбираат разбираат дека вплеткување во таков предлог беше одлука која не требаше да ја донесеме, поради што жалиме“ се вели меѓудругото во писмото.

A letter to supporters of Chelsea FC.

— Chelsea FC (@ChelseaFC) April 23, 2021