пред 12 месеци Фудбалскиот клуб Наполи го обнови интересот за српскиот репрезентативец од Удинезе, Лазар Самарџиќ, пренесува Калчомеркато.
Наполи се активира на трансфер пазарот за да ја пополни дупката во ростерот која настана со заминувањето на Елиф Елмас во Лајпциг.
На Самарџиќ во летниот преоден рок му пропадна договорениот трансфер во Интер. Калчомеркато тврди дека интерес за фудбалерот покажува и Јувентус, но дека Самарџиќ е поблиску до преселба во Неапол.
Самарџиќ оваа сезона одигра 16 натпревари во Серија А каде постигна два гола и имаше две асистенции. Еден од тие два гола постигна токму против Наполи.
Моменталната пазарна вредност на српскиот репрезентативец е околу 20 милиони евра.
Покрај Самарџиќ, Наполи во зимскиот преоден рок ќе се обиде да донесе и дефанзивен играч во редот за врска. Според Калчомеркато, главни цели се Бубакари Сумаре од Лестер и Пјер-Емил Хојберг од Тотенхем.
Би можело да ве интересира
Во Барселона бесни на Мориба – бара 100.000 евра плата
Прв медал за Бахамите – Гарденер победи на 400 метри
Халанд поставил светски рекорд – на 5 години скокнал 1.63 метри од место
Се смириле Рамос и Перез, капитенот ќе остане во Реал
Далас продолжи да тоне, Дончиќ промаши шут за победа
Меки на заштита: На аеродром како во сала за операција
