пред 4 години Минатогодишниот добитник на наградата за најдобар спортист Луис Хамилтон, повторно се најде на списокот, на кандидати, на престижната академија Лауреус. На листата го нема Лионел Меси, кој лани беше еден од наградените.
За „спортист на годината“, покрај Хамилтон, во конкуренција се Џошуа Чептегеи (атлетика), Арманд Дуплантис (атлетика), Леброн Џејмс (кошарка), Роберт Левендовски (фудбал) и Рафаел Надал (тенис).
Кај дамите за престижната награда конкурираат: Наоми Осака (тенис), Ана ван дер Брехен (велосипедизам), Федерика Брињоне (скијање), Бригид Косгеи (атлетика), Венди Ренар (фудбал) и Бриана Стјуарт (кошарка).
За наградата „кам-бек на годината“ конкурираат: Даниел Бард (бејзбол), Јенто Монтана (бадминтон), Алекс Морган (фудбал), Макс Парот (сноуборд), Микаела Шифрин (скијање), Алекс Смит (американски фудбал).
Во конкуренција за „подвиг на годината“ се фудбалерот на барселона Ансу Фати, светскиот првак во Мото ГП, Џоан Мир, победникот на Тур д’франс, Тадеј Погачар, тенисерот Доминик Тим, шампионката на Ролан Гарос Ига Швјонтек и Патрик Махонс (американски фудбал).
„Тимот на годината“ ќе се избира во конкуренција на Мерцедес, Баерн Минхен, Канзас сити Чифс, Ливерпул, ЛА Лејкерс и рагби репрезентацијата на Аргентина.
Конечната одлука околу наградите ќе биде донесена од жирито кое е составено од 68 членови.
Би можело да ве интересира
ПСЖ ги претстави засилувањата во Париз – фановите го скандираа Меси
Бензема ќе го продолжи договорот со Реал
Да се биде или не за Турција и Русија, Азурите се фаворити против Швајцарија
Чеферин: Оние што ќе играат Суперлига, нема да играат за репрезентациите
НБА сезоната уште не е почната, а веќе има нов рекордер
Де Лаурентис бара одложување на репрезентативните натпревари
