пред 2 часа Англискиот фудбалер Џек Грилиш (30) повторно е главна тема на британските таблоиди откако беше снимен како спие во бар во Манчестер.
Фудбалерот на Евертон, кој се опоравува од повреда, го поминал саботата попладне пиејќи со пријатели, пишува „The Sun“, кој ги објави фотографиите на Грилиш.
Според очевидци, Грилиш пристигнал во барот „Stories“ во Манчестер, во саботата околу 16:30 часот. Еден час подоцна, наводно, цврсто спиел на масата, опкружен со празни чаши и шишиња коктели.
„Неговите пријатели се обиделе да го разбудат. Очигледно алкохолот брзо го соборил“, рекол еден од присутните гости.
EXCLUSIVE: England ace Jack Grealish spotted snoozing at rooftop bar after boozy afternoon drinking session https://t.co/FVHCHCnAHW
— The Sun Football
(@TheSunFootball) April 26, 2026
Овој испад дојде во лошо време за 30-годишниот Грилиш, кој е во Евертон како позајмен од Манчестер Сити. Фудбалерот се опоравува од сериозна операција на стапалото, поради што ќе го пропушти остатокот од сезоната.
Уште поболно е што дефинитивно ја изгуби секоја шанса за место во англиската репрезентација на претстојното Светско првенство.
Грилиш е фудбалер кој играше за Астон Вила, Нотс Каунти, Манчестер Сити и Евертон. Сити го донесе во летото 2021 година за 117 милиони евра, што го прави најскапиот англиски фудбалер.
Под тренерската палка на Пеп Гвардиола, тој одигра 157 натпревари, постигна 17 гола и имаше 23 асистенции. Оваа сезона, пред повредата, тој одигра 22 натпревари, постигна два гола и имаше шест асистенции за Евертон. Тој има 39 настапи и четири гола за Англија.
„Трансфермаркт“ ја проценува неговата вредност на 25 милиони евра.
Foto/ Depositphotos
