Анкара: Можно е преговорите да продолжат за неколку дена

Малку е веројатно дека украинската и руската делегација утре ќе се сретнат на планираните разговори, бидејќи барањата на Москва за запирање на инвазијата се „нереални“, соопштија од кабинетот на турскиот претседател Реџеп Таип Ердоган.

„ Најверојатно нема да се сретнат во среда. Можно е да биде одложено за неколку дена, ние сме во контакт со преговарачките тимови“, изјави за Си-Ен-Ен портпаролот на турскиот претседател Ибрахим Калин, пренесува „Ројтерс“.

Тој додаде дека се надева оти рускиот претседател Владимир Путин ќе го запре нападот, препознавајќи ја економската штета што и ја нанесува на Русија.

Зборувајќи за украинските услови за понатамошни разговори со Москва, украинскиот претседател Володимир Зеленски денеска изјави дека е неопходно прво да се запре руското бомбардирање на цивили, а потоа да се седне на преговарачка маса.