Бројот на исчезнати нагло се зголеми, расте и бројот на жртви: откриена е причината за огромната катастрофа во Непал и Тибет

Катастрофалните поплави го погодија Непал и пограничниот регион на Тибет откако се сруши глечер на Хималаите.

Непалската полиција соопшти дека досега се пронајдени телата на најмалку 162 лица, додека стотици сè уште се водат како исчезнати.

Голем број странски туристи се меѓу исчезнатите. На тибетската страна од границата, властите бараат повеќе од 550 лица, вклучувајќи 260 странци. Пребарувањето и спасувањето се во тек, а властите предупредуваат дека бројот на жртви може да продолжи да расте.

Бројот на исчезнати лица во Непал по катастрофалните поплави се искачи на 826, соопштија властите, објави ДПА.

Со ова, вкупниот број на исчезнати лица во Непал и Кина се искачи на повеќе од 1.300.

A terrible and tragic flash flood has taken place at Gyirong in Tibet – China, and one of our Kailash groups was caught in it. While on their way back, they were at the immigration office when the flood occurred and the building and much of the town seems to have been flooded.… pic.twitter.com/CqOBxsPlWo

— Sadhguru (@SadhguruJV) August 26, 2026

Американски геолози: Причината не е земјотрес, туку уривање на глечер
Американскиот геолошки завод (USGS) потврди дека катастрофата не е предизвикана од земјотрес, како што првично беше објавено, туку од уривање на глечер и моќен проток на карпи, кал и друг материјал.

USGS првично го регистрираше настанот во среда како земјотрес со магнитуда од 4,4 степени. По дополнителна анализа на сеизмичките станици, долгопериодични сеизмички бранови и сателитски снимки, беше утврдено дека немало земјотрес.

„Сеизмичкиот настан всушност бил уривање на глечер и тек на остатоци, што потоа предизвикало катастрофални последици низводно“, соопшти USGS.

Непалските власти претходно изјавија дека огромно парче мраз можеби се откинало од планината, влечејќи карпи и друг материјал со себе. Научниците сè уште го утврдуваат точниот редослед на настаните што доведоа до катастрофата.

Текстот Бројот на исчезнати нагло се зголеми, расте и бројот на жртви: откриена е причината за огромната катастрофа во Непал и Тибет е превземен од МАКФАКС.